GLOPPEROCK: Ungdomskonsert med Vidar Villa og Oselie torsdag 15.august kl. 19.00 i Trivselshagen

0

Oselie Henden, eller berre Oselie som er artistnamnet hennar, vann Melodi Grand Prix junior i 2017, med den eigenkomponerte låta «Verda vår». Eidajenta er 16 år, men likevel røynd på scenegolvet. Talentet har ho fått vist fram under Ungdomens kulturmønstring fleire gongar, og allereie som 11 åring var ho med i Norske Talentar.

Oselie seier dette om vinnarlåta «Verda vår»:
– Eg vart inspirert av flyktningkrisa, og at det har kome so mange nye folk her til landet.
Vi må ta vare på alle saman, og eg har fleire vener som er flyktningar.

Dersom ein skal dømme etter oppslutnaden som forgjengarane hennar, nemleg Vilde og Anna, fekk på festivalscena i fjor, er det god grunn til å vente seg god stemning på konserten.

Vi gledar oss til å ta imot Oselie og høyre ho i Trivselshagen, torsdag 15.august kl.19:00

Billettsal: www.trivselshagen.no

Villa har det siste året vore mellom Norge sin mest strøyma artistar, med låtar som «One Night Stand», «Det Er Fest», «Et Par Rolige Shots Med Gutta» og «Herregud».
Vidar André Grødset Mohaugen best kjent under artist namnet Vidar Villa, er ein norsk musikar og songar frå Skedsmokorset. Han er kjent for norskspråklege festlåtar som «One Night Stand» og «Herregud». I 2017 hadde låtane hans over 27 millionar strøymingar på nett, og han var ein av deltakarane i Melodi Grand Prix 2018 med låta «Moren din».
Vidar Villa har gjeve ut singlane; «Et par rolige shots med gutta» (2017), «One Night Stand» (2017), «Det er fest» (2017), «Herregud» (2017), «Skjærgården 2017» (2017), «Når sola står opp» (2017), «Når julen kommer» (2017), «Nissen må skjerpe seg» (2017), «Moren din» (2018), «Jenter» (2018), «Sjalu» (2018), «Plan B» (2018), «Hitparade» (2019) og fleire låtar kjem utover sommaren 2019.
Torsdag 15 august 2019 kl. 19.00 spelar Vidar Villa og musikarane hans på Glopperock sin ungdomskonsert i Trivselshagen på Sandane . Billettsal: www.trivselshagen.no

Kari Bremnes til Sandane fredag 16. august.

0

Nordvendt, europeisk, ope, stort, personleg og melankolsk – er ord som kan knytast til Kari sin musikk. Den enorme spennvidda i konsertane hennar er ein signatur for Kari Bremnes. Frå det lysaste til det ganske mørke og rå.
Og heile tida med ein nærleik til folk og livsskjebne. Kari har skreve songar i 20 år og gjeve ut 15 soloalbum. Ho har i dag eit større publikum enn nokon gong, med eit stort konsertpublikum i fleire land og eit platepublikum over heile verda.

Kari Bremnes band er: Børre Flyen-Trommer, Petter Unstad-Bass/vokal, Børge Petersen-Øverleir-gitar, Bengt E. Hanssen-Tangentar/vokal, Geir Østensjø-lyd.

Glopperock har i mange år jobba for å få Kari Bremnes til Sandane og er glade for å lukkast. Konserten er svært ressurskrevjande og er einaste ho held i Sogn og Fjordane i år.

Fredag 16. august kl.20.00 held Kari Bremnes med band konsert i kultursalen i Trivselshagen, under Glopperock 2019. Denne kvelden får du ein opplevingsrik konsert med ein av Norges største artist. Vi gleder oss!

Ordinært billettsal er starta  på www.trivselshagen.no

Produsert av: Gloppen Musikkforum arrangør av Glopperock festivalen 2019